對 聯通櫻花卡 之二三事

Q: 中國的櫻花卡和香港的有分別嗎？
A: 應該有，香港的 apn 係 3gwap 而中國的 apn 係 3gnet (不能共通) ，有人用 iphone 試過香港櫻花卡，apn 係會自動加入。至於 android… 大家還是手入吧！

由於貪平在深水埗買卡($100-120，7天3Gb)，以下將以中國的櫻花卡為親身實測(見諒 -_-)

Q: 容易使用嗎？
A: 基本上在日本找到網絡(手動) Softbank，手機設置為 Enable Data Roaming (andorid 機的 wireless and network 內設置)，再入埋 apn 就用得。
聯通會寄出sms通知開通成功，而每 10mb 會寄個 sms 提醒，每次連網會有容量總結(超密超煩)。
建議關了手機的短訊通知鈴聲，唔係坐火車響就尷尬 (日本人坐車真係好安靜，大家都係入鄉隨俗吧)

Q: 速度快嗎？穩定嗎？
A: 網絡比想像中穩定但並不快 (可能本身在港都係用 384k cheap cheap plan)，一般上網查資料睇乘車 apps 及 google map 係卓卓有餘。其它睇片，下載野的話大家都係不要抱太大期望。

Q: 蘋果日報，Facebook 及 Whatsapp 可用/連到嗎？
A: 唔得，但 Line 及 G+ 暢通無阻 (估計佢係連過國內Proxy，那國內翻牆前去唔到的網站，呢張卡都一樣去唔到)。
有說話只要開 openvpn 就可以，但實際的速度真係慢到您唔想咁做。

Q: 7天 3Gb 夠用嗎？
A: 這7天基本上不停上網，都係只用到1Gb，絕對無需要慳住使 (速度慢係主因)

Q: 購買時要注意什麼？
A: 睇下封條有無比人拆到及要注意 sim 卡的 size 是否合用(大 sim,  micro sim)。好在買時問問，賣家先拆出來幫忙剪卡 >_< (港版櫻花卡是的有分 sim 版本)

總結：以 $100-120 可以在日本上到網都真係算超值，如果速度真係想快的話建議可試下剛出的 sonet Prepaid LTE sim 卡 (注意HTC 機 及 黑莓機暫不能使用)
詳情：http://www.so-net.ne.jp/prepaid/tc/index.html